C2食堂

营业中

休息中

系荔枝角返工嘅人有福啦，喺香港工业中心C座地下C舖（记得系青山道嘅入口，奇华饼店对面）有呢间声称系荔枝角最强烧味嘅「C2食堂」，果然名不虚传。佢最出名嘅系呢度嘅叉烧。今次我一个人食，就叫咗个双拼饭，叉烧油鸡饭。个餐本身$65 ，如果加汤加嘢饮就$70。先讲吓佢驰名嘅叉烧，真系烧得好靓，但主要本身佢选用嘅肉系靓嘅，叉烧肥肥地但又唔油腻。用蜜汁烧真系好惹味，有少少烧到㶶边添。鸡就肉多皮薄，好新鲜冇雪味。个老火汤就好够火候，啱晒打工仔饮。钟意言之，呢度系我喺荔枝角食过最好嘅烧味。