金牌海鮮火鍋 (已結業)

年初一本来谂住嚟依间试下，点知休息，于是初四再嚟试，晚上十点人好少，装修不错，佢哋卡位阔落和比较高增加了私隐度！更有私人电视比你一路睇一路食，茶杯碗碗都系特别订造令整体感觉高级，今次点了"金牌牛骨锅"$228,嚟到嘅时间非常大锅，可能系开左冇几耐，连外面个锅都靓啲知道佢唔系平价嘢！讲返个煲，由于太大煲有两大块牛骨丶牛腩丶牛肚丶牛肠丶牛𤧭丶萝卜等等，件件都非常大件用料十足，所以个汤底亦非常浓郁，加左几次水都咁有牛味，我共饮左几碗同埋我建议大家先食其他食物先再食汤底嘅配料，咁啲配料会更淋同入味，尤其个萝卜吸晒啲牛汤，非常好味，我两个人结果仲食剩可以打包两盒拿回家，其实佢$228真系唔算贵，你外卖而家叫个剩牛腩都成百啦！"本地新鲜手切牛颈脊"$288,颜色鲜艳新鲜，但我个人觉得厚左少少，同埋要咬好多次先吞到！"手工蟹皇饺"$138,本人最失望系觉得佢虽然外形精美，但味道平平同普通小龙包一样，唔值𠮶个价钱同唔会系推介，可以不叫！"娃娃菜"$38 , 份量非常多同新鲜！虽然佢未必系会令我成日嚟食，但我谂我会为佢个牛骨锅再返去！