南島

营业中

休息中

海南雞飯喺呢度嘅招牌菜，啲雞好嫩口，同埋肉質係比較滑㗎。飯係用咗雞油嚟撈飯嘅，但係啲飯一啲都唔會話好油膩，啲飯係會有雞油嘅香味，幾好食㗎，醬汁都有齊三款醬汁，個人覺得左邊嗰個豉油汁甜甜地，係最好味。新加坡肉骨茶，肉骨大約有四舊左右啦，肉骨嗰啲肉會同埋筋嗰啲部位一齊嘅，變咗咬落去會比較爽口啲。飯可以揀雞油撈飯或者係白飯都可以，另外兩條油炸鬼系包埋。呢間餐廳係新裝修嘅，所以個環境都係比較乾淨同埋整潔㗎。餐廳位置，喺西灣河地鐵站行過嚟，大約兩分鐘就到喇。