菓屋 (已結業)

曾经很喜欢饮黑糖珍珠鲜奶, 每星期最少帮衬李圆圆一次, 但自从大概一年前饮过我是酸奶君的芒芒果海之后, 我就移情别恋了, 佢令我念返起我以前经常帮衬的澳洲饮品店BOOST, 令我又再次爱上用生果制成既奶类饮品, 尤其乳酪, 但系香港真系好难揾到一间饮品店有卖水果乳酪, 我宜家疯狂到去超市见到盒装既水果乳酪都会买黎饮, 明知味道差好远都照买。 今日黎到葵芳, 拣菓屋系因为见佢有水果奶(虽然唔系乳酪)供应同OPENRICE评价不错。我叫左芒果奶+奶盖 - 奶盖味道浓郁无奶骚味, 食到芒果肉感觉足料, 酸酸甜甜新鲜好味, 个人觉得可以再酸多少少, 令芒果味道更特出又可以中和奶盖既甜腻感令层次更鲜明。菓屋弥补左我前两日系令一间店买左杯芝士奶盖西瓜汁既伤心经历, 唔够西瓜卖可以话卖晒, 客人系会饮得出你地沟左好多水架!