UCC Coffee Shop (已結業)

我平日都好钟意行奥海城，因为人流比较少。行咗一阵，就去左UCC坐低食个晚饭。位于ug层，店舖有点难找到。餐牌非常吸引，令人目不暇给，有好多菜都想食。因为我特别钟意食芝士，所以就叫咗个芝士鸡皇焗螺丝粉。最近没有沙律吧了，以保持卫生。因为需要焗嘅关系，所以等左比较耐。同时，亦都叫咗一个杂莓窝夫。可以选择大或者细，因为我非常喜爱甜品，所以就叫咗个大。雪糕设定为云呢拿，但系都可以改为朱古力。结果系杂莓窝夫比螺丝粉更快到，卖相非常吸引，窝夫非常厚身，看上去非常松脆。上面加咗鲜忌廉，同一球云呢拿雪糕，睇落香滑香甜。再加上杂莓，令到卖相更加好睇，食落酸酸甜甜，好开胃。终于等到芝士鸡皇焗螺丝粉啦！好多芝士系面！超满足，芝士迷大爱。有蘑菇伴碟，增加口感，减低油腻感。可惜鸡肉没什么鸡肉味。值得一赞的是，桌上有芝士粉，芝士粉可以随自己口味加入芝士粉。感体来说，食物非常可口，环境舒服，坐的卡位是软绵绵的梳化。