想甜嚐甜 (已結業)

呢间想甜尝甜，住黄大仙同慈云山嘅朋友应该唔会陌生，因为搭车同返屋企好多时都会经过。但舖面唔大，得十个位左右，成日都无机会试。上星期黄昏时段经过，见仲有一个位剩，谂都唔驶谂就冲入去坐低。听讲呢度嘅芋圆几出名，就叫咗个芒芋试吓，贪佢够香又饱肚。里面气氛唔错，几有文青FEEL，大部份帮衬嘅都系后生仔女，听讲呢度嘅员工对年青人好好，所以先咁多人去捧场吧。等咗十分钟咗右，芒芋终于送到。呢碗甜品睇落卖相无乜特别，但食落先知几足料，味道香浓，又唔会甜到漏，非常好。睇MENU见到仲有好多唔同选择，下次一定要再来过，试吓其他甜品先得。