影片
更多
2020-01-04
88 浏览
拣得啱车仔面 #上环之前有一排好迷车仔面，基本上将香港出名𠮶几间都试晒，事隔一排再重拾返呢一个喜好！今次食嘅呢一间车仔面环境舒适，服务态度好，虽然选择唔算最多，但系每一样味道都唔错！车仔面嘅第一个步骤就梗系拣面底，分别有米线、米粉、油面、粗面、幼面、出前一丁，加$12可以多面，亦可以拣少面。佢都系冇得拣河粉呢一点有少少失色。至于汤底方面亦有清汤、咖喱汁、卤水汁、沙嗲汁、麻辣汁同埋205辣酱，205辣酱系铺头特制嘅辣酱，可以拣小辣中辣同大辣，店舖都有事先讲到明呢一个辣酱真系好辣，当日拣咗小辣，加好少就已经辣到飞起，但的确好香。配菜方面，三𩠌面配热饮系$55，另外每加多一样𩠌就$12。虽然佢啲配料嘅选择唔算多，例如冇平时成日见到嘅牛筋、鱿鱼、猪颈肉等等，但系我哋当日所拣嘅𩠌菜全部都好好味。今次我哋分别拣咗:酱烧猪软骨、入味猪大肠、瑞汁滑鸡翼、猪红乌冬配卤水汁 $55+12黑松露鸡肉水饺、芝士肠、极品牛腩条、发达金钱肚、香甜萝卜清汤米粉配205辣酱 $55+24唔系讲笑佢啲肉类真系好好食！特别要赞佢嘅猪软骨，入味得来够晒淋，啲骨系真系好劲骨胶原浆住个口嘅𠮶种感觉！仲有，牛腩条大件得来感觉脂肪
之前有一排好迷车仔面，基本上将香港出名𠮶几间都试晒，事隔一排再重拾返呢一个喜好！今次食嘅呢一间车仔面环境舒适，服务态度好，虽然选择唔算最多，但系每一样味道都唔错！
车仔面嘅第一个步骤就梗系拣面底，分别有米线、米粉、油面、粗面、幼面、出前一丁，加$12可以多面，亦可以拣少面。佢都系冇得拣河粉呢一点有少少失色。
至于汤底方面亦有清汤、咖喱汁、卤水汁、沙嗲汁、麻辣汁同埋205辣酱，205辣酱系铺头特制嘅辣酱，可以拣小辣中辣同大辣，店舖都有事先讲到明呢一个辣酱真系好辣，当日拣咗小辣，加好少就已经辣到飞起，但的确好香。
配菜方面，三𩠌面配热饮系$55，另外每加多一样𩠌就$12。虽然佢啲配料嘅选择唔算多，例如冇平时成日见到嘅牛筋、鱿鱼、猪颈肉等等，但系我哋当日所拣嘅𩠌菜全部都好好味。
今次我哋分别拣咗:
酱烧猪软骨、入味猪大肠、瑞汁滑鸡翼、猪红乌冬配卤水汁 $55+12
黑松露鸡肉水饺、芝士肠、极品牛腩条、发达金钱肚、香甜萝卜清汤米粉配205辣酱 $55+24
唔系讲笑佢啲肉类真系好好食！特别要赞佢嘅猪软骨，入味得来够晒淋，啲骨系真系好劲骨胶原浆住个口嘅𠮶种感觉！仲有，牛腩条大件得来感觉脂肪唔多，但依然非常入味同淋！至于黑松露鸡肉水饺亦都好香黑松露，入面仲有啲香菇，口感丰富。至于其他嘅𩠌亦都不俗！
另外汤底亦都好好，我觉得睇间车仔面好唔好食真系要试佢嘅清汤，呢一间真心连清汤都好浓郁，配上205辣酱就更加惹味！卤水汁就咸咸甜甜啲，同样不俗！
另外我哋仲买多咗一份千杯不醉鸡翼 $22/3，其实即系一份醉鸡翼，鸡肉好滑溜，酒嘅浓度恰到好处。
味道:4.3/5
性价比:4/5
酱烧猪软骨、入味猪大肠、瑞汁滑鸡翼、猪红乌冬配卤水汁
$67
34 浏览
0 赞好
0 留言
黑松露鸡肉水饺、芝士肠、极品牛腩条、发达金钱肚、香甜萝卜清汤米粉配205辣酱
$79
84 浏览
0 赞好
0 留言
千杯不醉鸡翼
$22
9 浏览
0 赞好
0 留言
张贴
