影片
更多
2009-10-20
26 浏览
为庆祝我家姐牛一, 今次一行5人就去咗旺角呢间上楼CAFE 试下..其实之前都听人讲过呢间CAFE D嘢食几好味, 但几次打去都比人包场! 今次终于成功!上到去, 虽然地方唔系好大, 装修又唔系特别靓, 但感觉好舒服同干净 (见相)我地叫咗个豪华自选套餐, 由头盘到甜品, 总共有9个菜... (真系食到好饱, 先至$110/位).1 = 咸牛肉洋葱芝士长法饱2 = 栗米吞拿鱼螺丝粉沙律 (大份又足料, 正!!)3 = 酸忌廉薯角 (薯角外脆内软, 配埋酸忌廉真系好醒胃 )4 = 香草鸡翼 (佢地话改良过, 介绍我地试! 又真系好浓香草味, 仲好大只添, 正!)5 = A7 豪华至尊酥皮薄饼 (估唔到用酥皮做薄饼又出奇好味呢)6 = 日式猪软骨饺子 (呢个都OK, 因为其实食到呢度都开始饱!)7 = 辣辣冷面 (味道有D似元绿, 但D面嘅口感就正好多, 又唔会痴埋一旧, 最好系足料嘛, 原本已经饱嘅我都停唔到口呢~嘻!)8 = 日式海鲜炒乌冬 (呢个上菜嘅时候, 实在系太饱啦, 未能食真个味!)9 = 雪糕 (甜品系我嘅最爱, 所以无论几饱都唔会放过嘅!) 我地仲叫咗几杯特饮 (白雪公
其实之前都听人讲过呢间CAFE D嘢食几好味, 但几次打去都比人包场! 今次终于成功!
上到去, 虽然地方唔系好大, 装修又唔系特别靓, 但感觉好舒服同干净 (见相)
我地叫咗个豪华自选套餐, 由头盘到甜品, 总共有9个菜... (真系食到好饱, 先至$110/位).
1 = 咸牛肉洋葱芝士长法饱
2 = 栗米吞拿鱼螺丝粉沙律 (大份又足料, 正!!)
3 = 酸忌廉薯角 (薯角外脆内软, 配埋酸忌廉真系好醒胃 )
4 = 香草鸡翼 (佢地话改良过, 介绍我地试! 又真系好浓香草味, 仲好大只添, 正!)
5 = A7 豪华至尊酥皮薄饼 (估唔到用酥皮做薄饼又出奇好味呢)
6 = 日式猪软骨饺子 (呢个都OK, 因为其实食到呢度都开始饱!)
7 = 辣辣冷面 (味道有D似元绿, 但D面嘅口感就正好多, 又唔会痴埋一旧, 最好系足料嘛, 原本已经饱嘅我都停唔到口呢~嘻!)
8 = 日式海鲜炒乌冬 (呢个上菜嘅时候, 实在系太饱啦, 未能食真个味!)
9 = 雪糕 (甜品系我嘅最爱, 所以无论几饱都唔会放过嘅!)
我地仲叫咗几杯特饮 (白雪公主, 红茶西柚....) 好大杯, 味道都唔错!
呢间CAFE 嘅职员都值得一赞, 除咗一路都好好礼貌外, 佢见我地想影大合照, 就自动就嚟帮忙呢 问落先知原来佢地几个就系老板, 所以样样都亲力亲为服务周到, 咁比心机, 怪唔知得D嘢食咁好味啦..
总括嚟讲, 呢度系我暂时食过咁多上楼CAFE 最好味嘅一间, 下次有多D人仲可以包场玩呢!
张贴
