首爾石鍋燒

营业中

休息中

平时的我比较少食韩国野，因为唔系太食得辣。 疫情底下大家都少左出街食饭，今日朋友就带左我来这间韩国餐厅，佢话好挂住里度的豆腐锅，咁我就陪佢试下啦。我拣咗一个唔辣嘅石头锅饭 - 葱蒜牛肉粒石锅饭。卖相都几好，好多牛肉粒同埋都几大粒，加上我好钟意嘅䓤段同蒜头，捞埋一齐好好食。我另外加左少少枱面上𠮶支韩国辣椒酱，味道好正！石锅底有饭焦，香香脆脆的。我个friend拣咗佢话佢大爱嘅泡菜烤肉豆腐锅配饭。个豆腐锅份量都好多，仲另外配左白饭。佢话将个豆腐锅汤底捞白饭最正。另外仲有粉丝索晒个汤嘅味道好好食咁话！小食选择都几多，我哋叫咗韩式粉丝煎饺同埋韩风鸡翼。煎饺都几好味😋，鸡翼炸得好香脆,肉质都几嫩滑。而且价钱都几抵，40几蚊就有个小食，性价比高!饮品跟主食有半价，我哋叫咗韩国柚子蜜同埋冻柠茶. 柚子蜜都几清香。冻柠茶有茶味。