金不換泰國餐廳 (已結業)

今日黎左金不换食饭，当然唔系自己一个,系朋友约既,一直都唔会点去荃湾,之前系铜锣湾好似食过一次咁多多。 约左夜晚7点钟，应该有订到位,不过唔算太多人,有几枱客,安安静静倾下计唔错,不过左一阵就已经好多人喇。哈入到去就即刻拣左几款野食，首先叫左一个大虾沙津，唔错，一试就试个辣辣地既大虾,佢个肉质非常弹牙，唔似急冻,又无比个辣椒味抢到个鲜味，做得好好,又够醒胃，前菜黎讲真系唔错,之后有一个飞天通菜,都系正正常常既味道喇,另外就叫左个甜酸蜜桃鸭，唔错太差,因为个鸭切得太大件,同埋有少少硬，不过蜜桃同青椒就反而好重味,嬴左个主角。当然有冬荫公喇,材料十足，辣度同酸度都岩岩好，虽然份量唔算多,不过都够食,我自己就希望佢辣多少少。