尚青商號 (已搬遷) 新店位置

尼间餐厅摆响个list度已经好耐，今日终于有机会一试。平时行过都睇到劲多人排队，今日喺星期日，时间又早，果然可以不用等位，即刻入座。尼度喺用QR code 落单嘅，餐牌上嘅选择都算颇多。一个人，就嗌咗个麻辣半筯半肉面，一个卤水豆干同埋一杯柠檬柚子气泡冻饮。麻辣牛肉面嘅汤底浓郁，清甜，幼面嘅份量啱啱好。牛肉有两块，肉炆得腍，好入味，至于啲牛筋我就嫌佢散咗啲，但入口既溶，味道甚好。个餐仲跟三小碟配菜，分别系甜酸菜，云耳同油炸鬼。我觉得甜酸菜嘅味道好好，食落令人开胃。𠮶卤水豆干有惊喜。卤水有少少甜味，同香港嘅卤水有颇大分别。虽然话系豆干，但系其实唔系太干身，豆腐切成方形，朔晒卤水汁，食落充满卤水，口感好，俾人一种满足的感觉。等待食物期间上嚟的食客越嚟越多。尼度食饭限一小时，好在嚟得早，唔系嘅话又要望门兴叹了。