小曼谷泰國美食 (教育路)

营业中

休息中

外卖平台会员优惠真系几抵！上次堂食已经觉得非常唔错，今次试外卖，泰式干炒肉片可（上次堂食好好味，今次外卖冇咁好味，但都合格。）冬阴功汤（2个人叫咗个细嘅，惊喜有2只好大嘅虾🍤，其他料就剩系得菇，呢个我觉得有啲失望，喺第二间饮过有啲墨鱼仔仲有啲蟹柳，感觉丰富好多，不过后尾自己上网睇吓冬阴功汤嘅资料，发觉原来都系剩系得虾同菇，咁其实佢应该可能系比较正宗，但如果可以有多少少配料，成个感觉会丰富啲亦都比较高档啲。😅）泰式炸虾饼（5件大大件，唔油弹牙又厚肉，好味，下次一定再试。）泰式原味烤酥饼（2件好香脆，有惊喜，下次亦都会再叫。）芒果椰汁沙冰（唔会死甜，有芒果香味，应该有用新鲜芒果。）元朗泰国菜我唔系试过好多间，不过小曼谷整体质素真心唔错，而且外卖平台会员折咗真系几抵，今次埋单$215左右，推介，会再试。