新桂香燒臘

营业中

休息中

又系见叉烧出名，专程过去柴湾试试。本身睇完其他食评就对呢度冇乜特别期望，结果都系冇乜特别。叉烧，可能因为冇叫佢比肥或半肥瘦，就上左d瘦嘅比我，咁我唔钟意瘦叉，就一定唔会高分。我见其他人好多都有指定要肥或者半肥瘦，可能系咁多人要左有肥嘅，咁冇特别指定就会比瘦叉。叉烧虽然瘦，但都不至于柴，只系普通"鞋", 边边有少少焦黑，我只能幻想如果系半肥瘦会好食卦，不过眼前嘅叉烧就唔太好喇。烧肉，咸香，皮脆但太硬，好多烧肉嘅通病。葱油系我like嘅冇姜净葱，咁先有葱嘅香味，比得上鹅之极品嘅(亦系唯一方面). 地方就系预左咁窄，基本上都系快食快快走人，不过唔算dirty, 算系咁。总结黎讲，就系冇乜再去食嘅动力，柴湾亦唔系特别近，过海去深水埗仲稳阵。完。