壽司郎 (麗新商業中心)

营业中

休息中

寿司郎book位要成两个月后就好多人都知啦，咁所以食个个月系做咩限定真系好睇你彩数。上个月既肉限定🍖知道左之后真系灰左，好彩朋友仔book到五月系好啱食既贝虾限定啫。以下写既都系今月限定：特盛甜虾（$12）第一个重量级限定，饭上面一共叠左三层有八只甜虾。甜虾好鲜甜，一次过摆入口甜味爆发。特盛帆立贝（$22）同甜虾一样都系重量级，有四旧帆立贝。虽然每旧都唔系大，不过因为有四旧咁多，一摆入口基本上都系帆立具食唔到饭咁。帆立贝非常鲜甜，超级满足。赤虾（$12）依个平时来都成日食既，不过今次就系买一送一咁有两件。唔知系咁啱定佢特登啦，虾既size比平时细，所以味道一样好但口感就差啲，不过一样既价钱有两件都抵啦。炸帆立贝忌廉可乐饼（$17）原本对佢期望好高，不过食落就一般喇。炸得有啲过火同太油，亦唔系好食得出帆立贝，虽然好creamy但味道好普通，唔食都冇损失。白鸟贝（$12）口感好爽，但冇特别鲜甜，整体一般。总评其实寿司郎都食左几次喇，整体都系味道ok几抵食咁。不过有budget又高要求既人呢就未必会钟意佢。但今个月限定算系几唔错，有时间既都可以试下手机攞飞食下既。