影片
更多
2015-11-14
769 浏览
同同事行完山，路经西湾河，同事就介绍有档车仔面系太安楼入面好好味，问我有无兴趣﹖一向为食既我当然要试下啦，就行入去揾呢档车仔面。系揾车仔面档既同时，可能系午餐时间，亦见到好多食店出面排长龙，佢地都系出名既店舖，终于都俾我地揾到车仔面档。去到时都已经有五、六个人排紧，不过果几个阿姐都好快手，由煮面，放𩠌，收钱到送埋去个位度，差唔多一分钟serve一个，所以系果短短五、六分钟入面，我要系一个满布唔同既𩠌既炉边去拣我想食既野，确实好有难度，因为太多𩠌可以拣。当我重谂紧$35三𩠌一面定$41四𩠌一面既时候，阿姐就问我要咩，我最后就拣左油面、猪大肠、猪红、猪手同九菜。堂食环境始终一般，店内坐位都有限，不过就系咁先似以前既“那渲面”既感觉。阿姐系门口加左将枱俾我地坐，就开始尝试呢碗咁多人来排队既车仔面（坐低之后，条龙已经有十几人排紧）。油面都算弹口，但猪大肠同猪红非常入味，又“林”，份量都算多，相反猪手无咩特别，不过个汤就好浓味，自己就觉得浓左少少，但味道好正宗，完全系以前街边可以食到既流动车仔面。同事就要左粗面、猪大肠、鸡翼尖、猪皮、萝卜同菜，每样𩠌都好入味，尤其系萝卜，而且粗面都好弹牙，所以系
系揾车仔面档既同时，可能系午餐时间，亦见到好多食店出面排长龙，佢地都系出名既店舖，终于都俾我地揾到车仔面档。去到时都已经有五、六个人排紧，不过果几个阿姐都好快手，由煮面，放𩠌，收钱到送埋去个位度，差唔多一分钟serve一个，所以系果短短五、六分钟入面，我要系一个满布唔同既𩠌既炉边去拣我想食既野，确实好有难度，因为太多𩠌可以拣。当我重谂紧$35三𩠌一面定$41四𩠌一面既时候，阿姐就问我要咩，我最后就拣左油面、猪大肠、猪红、猪手同九菜。
堂食环境始终一般，店内坐位都有限，不过就系咁先似以前既“那渲面”既感觉。阿姐系门口加左将枱俾我地坐，就开始尝试呢碗咁多人来排队既车仔面（坐低之后，条龙已经有十几人排紧）。油面都算弹口，但猪大肠同猪红非常入味，又“林”，份量都算多，相反猪手无咩特别，不过个汤就好浓味，自己就觉得浓左少少，但味道好正宗，完全系以前街边可以食到既流动车仔面。同事就要左粗面、猪大肠、鸡翼尖、猪皮、萝卜同菜，每样𩠌都好入味，尤其系萝卜，而且粗面都好弹牙，所以系好味既选择。
如果有机会，我都会再去试多次，不过太安楼确实有太多美食，去多几次先得！
（而家档车仔面已搬到A12舖）
张贴