上海美華菜館 (已結業)

行街行到附近，朋友话呢间好出名上海早餐，咁咪系咪试下个晚餐咯。我本人自己系唔钟意口味偏甜嘅上海嘢嘅，但系又钟意食小龙包，咁咪食下d嘢咯。行入舖头基本上系度食晚餐嘅都系上海人多，d伙计亦都系上海人，有d去到上海嘅感觉，耳边都系上海话。-⭐️小食拼盘⭐️比较推荐个肉皮冻，猪皮处理得干净冇毛，我致惊就系猪皮唔干净有猪毛系上边，中间猪肉松软但系都有咬口，皮冻嫩滑但系又唔会散，真系处理得几好。-⭐️鲜肉小龙包⭐️肉馅调味几唔错，亦都有汤汁，系即叫即蒸，但系个皮就偏厚身，我自己都系钟意d薄皮嘅小龙包多d。-⭐️东坡肉⭐️都系算出品不错嘅一个，肉软霖，皮同肥膏入口即化，调味偏甜，但是唔会济，都几送饭。-⭐️干煎黄鱼⭐️我个人唔钟意食黄鱼，唔做评价，但系睇落都似炸定嘅，唔似即点即煎嘅。-⭐️炒面⭐️都系甜口嘅，我自己就唔系好钟意，但系d朋友就个个话好食。-⭐️蒸饺⭐️d皮同馅都系同小龙包都系一样嘅，d皮都系厚身。-整体评价d食物我觉得整体麻麻咯，唔系话好食，又唔系好难食，舖头d上海客都多嘅，但是我就唔会再食咯，钟意上海嘢嘅可以试下。