影片
更多
2024-12-18
1585 浏览
好多年冇写食评，通常系极端情况先激发到我浪费时间去做埋d无聊嘢... 一系就赞叹级的美食或服务，一系就垃圾级的劣食或服务，今次系后者... 冇乜几可嚟红磡， 就搜寻下红磡有咩美食啦， 见到呢间话长期排长龙就嚟见识下， 见佢有花甲做汤底应该唔会衰得去边， 点知原来花甲系要另外嗌嘅，大拿拿$40加花甲，c9s， 平时食花甲年华都系六七十蚊包埋花甲定蚬， 咁我当然冇嗌啦，当我傻仔咩… 就净试你个招牌蕃茄薯仔汤底+4个𩠌+银针粉+小食韮菜猪红+ 小食招牌即烧叉烧+奶茶= 盛惠$170。1) 蕃茄薯仔汤底， 就咁单饮冇乜嘢但好q甜，落咗好多糖， 食面用甜嘅汤底真系好奇怪，而且肯定唔系自己屋企煲个种蕃茄薯仔汤，佢应该系搞烂咗啲蕃茄求其掉落去水到+薯仔煲冧咗+大量糖和调味料而成，难饮到仆guide ... 仲难食过华嫂冰室。沟埋我叫的4样𩠌，哇~ 边食边反胃，想呕...心中狂爆粗，咁既西嘢竟然同我讲系招牌？ 仲要排长龙？红磡d人平时系咪食开2𩠌饭？2) 凤爪其实唔知好唔好食？ 因为已经浸咗入蕃茄甜汤底，最后我将佢浸返入韭菜猪红兜汁都难食都仆guide，放弃...3) 猪手得一件系皮，其他全部瘦肉，
冇乜几可嚟红磡， 就搜寻下红磡有咩美食啦， 见到呢间话长期排长龙就嚟见识下， 见佢有花甲做汤底应该唔会衰得去边， 点知原来花甲系要另外嗌嘅，大拿拿$40加花甲，c9s， 平时食花甲年华都系六七十蚊包埋花甲定蚬， 咁我当然冇嗌啦，当我傻仔咩… 就净试你个招牌蕃茄薯仔汤底+4个𩠌+银针粉+小食韮菜猪红+ 小食招牌即烧叉烧+奶茶= 盛惠$170。
1) 蕃茄薯仔汤底， 就咁单饮冇乜嘢但好q甜，落咗好多糖， 食面用甜嘅汤底真系好奇怪，而且肯定唔系自己屋企煲个种蕃茄薯仔汤，佢应该系搞烂咗啲蕃茄求其掉落去水到+薯仔煲冧咗+大量糖和调味料而成，难饮到仆guide ... 仲难食过华嫂冰室。
沟埋我叫的4样𩠌，哇~ 边食边反胃，想呕...
心中狂爆粗，咁既西嘢竟然同我讲系招牌？ 仲要排长龙？红磡d人平时系咪食开2𩠌饭？
2) 凤爪其实唔知好唔好食？ 因为已经浸咗入蕃茄甜汤底，最后我将佢浸返入韭菜猪红兜汁都难食都仆guide，放弃...
3) 猪手得一件系皮，其他全部瘦肉， 大佬~ 食猪手梗系食皮食骨胶原啦， 你畀晒瘦肉我做乜春呀？南乳味同茄汁甜汤混合埋一齐，坚有反胃感， 即刻听到自己个肚仔咕咕叫想呕咁... 放弃。
4) 香煎腐皮角以为啲咩特别家乡嘢， 原来只系交货嚟𠮶啲鱼蛋饼。
5) 辣水鱿，得个咸字完全唔觉得辣， 而且食得出煮咗好耐， 啲质感酶晒唔爽脆。
6) 银针粉唔知好唔好食， 但食得出冇米味橡胶咁，我净系知放落个茄汁甜汤到超级极度难食，完全唔夹。
7) 小食韮菜猪红各食咗一啖， 韮菜煮得太熟淋patpat， 仲要食完有渣即nur。
猪红假嘅，冇气孔，元素周期表，科技嘢， 而家喺香港想食个唔值钱的真猪红仲难过登天，香港已死...
8) 所谓嘅招牌即烧叉烧， 等咗25分钟， 只系不外如是，雪藏肉眼+ 超市叉烧酱(冇heart，唔好食)， 腌到过晒龙，肉质少霉，蜜汁又唔够， 睇嚟红磡街坊平时食开两𩠌饭，未食过好嘢...
总括来讲，等了个寂寞，食了更空虚...
总数食咗几啖就顶唔到落去，我都唔想浪费食物，但坚系想呕...
新假期介绍亲d嘢都系垃圾，食完一肚火！
补充： 我唔觉排长龙啰，门口系有几个等紧，都只系因为舖细坐位少，排队只系合理假象。
张贴
