牛扒先生 (康怡廣場) (已結業)

今日两公婆去太古城shopping，行咗6个钟劲肚饿，于是就决定食半自助餐。.钟意呢度嘅自助餐有餐汤、沙律、甜品。单系沙律就有十几款，啱哂钟意多菜少肉嘅人。甜品有生果、蛋糕、豆腐花、大菜糕、焗布甸，总共都有十几款。主菜叫咗烟肉野菌扁意大利面$208及迷迭香烧鸡、烟熏酱烤猪肋排$235。鸡脾部位肉嫩香滑，但鸡胸部位肉质就略为鞋口。猪肋排肉质松软可口，配上烟熏酱真系极之美味。意大利面就略欠诚意，因为配料烟肉同野菌都好细粒及量少，但意粉汁嘅浓淡味就恰到好处。最后一定要食蛋糕，因为每款都系用心制作，有Lemon tart、Brownie、绿茶卷，平日屋企都唔会整到。