熊小館 (已結業)

今次第二次过嚟啦，好多熊仔，好得意，记得以前去韩国嘅时候都有熊仔博物馆，而家有呢个小熊餐厅，虽然冇得去韩国旅行，但系都有一种怀念嘅味道，而且好钟意呢度嘅餐厅职员，服务态度真系一流。黑椒牛扒意粉$67大大块黑椒牛扒，仲有黑椒汁加意粉意粉软硬适中，所以好抵食。意大利卡邦尼烟肉长通粉$54有烟肉同蘑菇配上卡邦尼酱汁，分量亦唔少，酱汁味好浓厚creammy。 午餐加$3有嘢饮，如果加$16可以加特饮，好靓嘅熊仔饮品。自家制心太软$42心太软即叫即焗，外皮松脆里面留心朱古力，配上水蜜桃生果及忌廉，好正好松软，而且朱古力味劲浓，呢个推介必食。整体而言唔错，午餐定食及下午茶餐都好抵食，而且选择款式多，仲有好多影相打卡位。