魚之神日本料理 (已結業)

话说今日收工攰攰地， 想揾间就脚嘅餐厅食饭，于是就同老公去左宝林依间叫「鱼之神」日本料理餐厅。星期一7点晚上，唔驶等位直接可以入座。座位都好宽敞，番一番餐牌，发觉佢地都好多选择，寿司刺身丼饭拉面乌冬咩都有。老公睇两睇好快就决定左食一人前便当B（$108），我就食什锦寿司餐A（$118），另下加多几款寿司（因为餐牌太多选择）。晚餐既味噌汤、吞拿鱼手卷同饺子拉面好快送上，虽然话系迷你拉面，但一黎到都几大碗。饺子有两件，有d粟米、鸣门卷等等，再配上猪骨汤底，剩系一个拉面，对一个女仔黎讲都半饱。老公个一人便当仲有个便当盒，有汉堡、沙律、八爪鱼、金菇牛肉卷。一人餐黎讲，分量好大。绝对抵食。我既寿司餐最尾到啦，师傅应该系即整，所以最后先上，所以可能要等一阵。