JuniJib Dessert (已結業)

同朋友行行下街好想食甜品，就入咗呢间甜品店坐低慢慢叹～收银位哥哥好似系真·韩国人，所以落单我用咗英文沟通。 佢都态度好好，有礼貌。等咗5分钟左右我地叫既哈密瓜牛奶冰同埋柠檬乳酪马卡龙就到咗啦，好有效率。一食落去牛奶冰好够味，亦都唔会怕话食到最尾啲冰会冇晒味，而且哈密瓜好鲜甜，大推！另外嘅柠檬乳酪马卡龙超大粒，我哋系两个女仔share食一粒。真系要擘大个口先咬得到一啖。马卡龙好有柠檬味，但乳酪味就未够出，希望之后会有改善。