皇庭匯 (已結業)

7月21日开张当晚已经率先品尝左1次。芝士焗龙虾仔一只$78加伊面底$38，只有龙虾仔有芝士，伊面底完全无汁无芝士仲要系白烚，埋单2百几3百蚊都0k接受范围，结帐方式好记得系碌卡！系碌卡！系碌卡！觉得龙虾仔几好食又唔贵，于是今晚带埋屋企人去食，3个人叫左2只芝士焗龙虾仔$78x2，今次冇加伊面，始终上次个伊面已经中左伏！！再叫多个孖宝，埋单$414，食饱饱打算埋单走人既时候，收银丫姐就话我地冇碌卡嫁，未申请到。仲要拍收银张枱话已经贴左纸。问心而论，第一次食饭可以碌卡，相隔2星期话卡机未申请到？你张通告纸剩系贴系收银位，真系要到人埋单个一刻先知？如果无咁多现金系身呢？系咪订几围酒席既人都要带定2,3万现金系身？重点系部长态度超级差，当时情况系，我问收银丫姐:冇得碌卡？开张个日我落黎食都系碌卡埋单。企系格离有个部长即刻话:唔洗理佢，佢敢唔比钱出门口就报警。真心觉得，如果我一入门口已经知道呢间集团式酒楼系无得碌卡既，我可以选择去㩒钱再黎食/直接食第二间，而唔系食完比钱个一刻先知，有种比人老屈左既感觉。而且咁既服务态度，真系永远唔会再帮衬。