燒烤堂 (已搬遷) 新店位置

今日book左7点去食系旺角嘅烧烤堂，系门外已经闻到烧烤嘅味道，舖头入面大概有十几张枱，我地入去嘅时候都满左一半。2个人食左蒜蓉茄子、牛油蒜蓉焗金菇、蜜糖鸡中翼、鸡软骨、盐烧牛舌芯、汁烧鱿鱼须、日本一口甜薯、烧软骨免治鸡肉棒（日本鸡蛋）、日本芝士年糕、蜜糖牛油年糕，仲叫左椰青水同竹庶茅根，呢两枝都系枝装嘅饮品。茄子唔会太多蒜蓉搞到太咸，而且又够淋又香。焗金菇就重牛油味，同时蒜蓉够香，金菇都爽口。蜜糖鸡中翼系甜甜地，而且肉质唔会太硬同太焦，唔错。鸡软骨上面有啲盐都好够味。盐烧牛舌芯口感好好，好爽口，而且唔会烧到好硬好难咬。汁烧鱿鱼须好多汁，味道唔错。日本一口甜薯真系好好食，出面有盐，但系入面系甜嘅，食到咸之后又变翻甜，个皮有少少脆，食落唔似系薯仔嘅感觉，所以好特别。烧软骨免治鸡肉棒（日本鸡蛋）系鸡肉棒沾蛋食，点完之后有好浓嘅蛋味。日本芝士年糕可以点炼奶，芝士味咸但炼奶又加翻啲甜味中和翻。蜜糖牛油年糕就冇乜牛油味，不过都烟韧同有啲蜜糖味。总括而言，烧烤堂食物质素唔错，可以再次光临。