新麻蒲 BBQ (波斯富街) (已結業)

有食过好多韩烧，但系就未试过炉边蛋，一直都好想试。和朋友一行二人，排左个半钟终于试到。叫左二人份量的猪肉套餐(包左炉边蛋一次，护心肉，五花肉，猪排骨，年糕，蘑菇，猪肉香肠，大虾，仲有火龙果沙律同几碟菜），仲叫左秘制猪皮，覆盘子梳打汽水同埋红豆冰沫。呢度的前菜比起其他的韩式烧烤店都多款，三层式的层架摆出黎精致之余又悭位。火龙果沙律用左新鲜的芝麻酱，第一次食这种芝麻酱，很特别。覆盘子梳打汽水好好饮，很解渴。炉边蛋同护心肉真系超好味。唯独烧猪皮令我有点失望，甜味的猪皮有点怪。食到饱饱之后，一场黎到排左咁耐，点都要试埋红豆冰沫。食甜品果然系有第二个胃。呢度的亮点系呢个红豆冰沫。唔同其他刨冰咁，就算有牙齿敏感都唔惊，因为唔会冰到震，入口即溶，甜味刚刚好。今晚晚餐真系超满足。