影片
更多
2019-10-13
647 浏览
泰极料理 #天水围虽然餐厅个名有「泰」呢个字，但系佢卖嘅嘢五花八门，既有传统泰国菜，又有好多唔同嘅煲，包括椰子鸡煲羊腩煲牛腩煲鱼㶽等等，仲有串烧！今次试咗椰子鸡煲同埋海鲜粉丝沙律，两样都好好食，大力推荐！椰子鸡煲 $288$288唔使加一有原只鸡，啲份量真系够三至四个人，大食嘅话仲可以加啲火锅配料。椰子味好浓郁，虽然汤底系偏咸，而唔系一般想像中甜甜地嘅椰汁咁，但系都非常好味，真系可以就咁饮晒啲汤。啲鸡入晒味，仲要咁样煲住好耐都仲几嫩。海鲜粉丝沙律 $68呢个同样非常好味！可以拣泰极酸辣沙律酱或者甜酸沙律酱，我今次拣咗酸辣沙律酱，果然非常惹味！酸得来好辣，好过瘾。我本身以为系得少少海鲜同粉丝加好多菜，点知全部都系海鲜再加少少粉丝，基本上只系得一两块生菜垫底，未试过食沙律觉得咁抵食！有好多块鱿鱼、虾、螺片，完全冇谂过沙律都会咁足料。呢间餐厅嘅服务态度超级好，啲人劲有礼貌！唔使加一又好味，好抵食，真心推荐呢一间餐厅！味道:4.7/5性价比:4.4/5
虽然餐厅个名有「泰」呢个字，但系佢卖嘅嘢五花八门，既有传统泰国菜，又有好多唔同嘅煲，包括椰子鸡煲羊腩煲牛腩煲鱼㶽等等，仲有串烧！
今次试咗椰子鸡煲同埋海鲜粉丝沙律，两样都好好食，大力推荐！
椰子鸡煲 $288
$288唔使加一有原只鸡，啲份量真系够三至四个人，大食嘅话仲可以加啲火锅配料。
椰子味好浓郁，虽然汤底系偏咸，而唔系一般想像中甜甜地嘅椰汁咁，但系都非常好味，真系可以就咁饮晒啲汤。啲鸡入晒味，仲要咁样煲住好耐都仲几嫩。
海鲜粉丝沙律 $68
呢个同样非常好味！可以拣泰极酸辣沙律酱或者甜酸沙律酱，我今次拣咗酸辣沙律酱，果然非常惹味！酸得来好辣，好过瘾。我本身以为系得少少海鲜同粉丝加好多菜，点知全部都系海鲜再加少少粉丝，基本上只系得一两块生菜垫底，未试过食沙律觉得咁抵食！有好多块鱿鱼、虾、螺片，完全冇谂过沙律都会咁足料。
呢间餐厅嘅服务态度超级好，啲人劲有礼貌！唔使加一又好味，好抵食，真心推荐呢一间餐厅！
味道:4.7/5
性价比:4.4/5
椰子鸡煲
$288
24 浏览
0 赞好
0 留言
海鲜粉丝沙律
$68
32 浏览
0 赞好
0 留言
张贴
