影片
更多
2015-08-10
1598 浏览
呢篇系好耐之后写番，因为揾唔到间野，而家见到就第一时间写，因为呢道好值得黎👍睇到饮食男女介绍，估计应该比左钱，如果唔系应该好难饮食男女会咁劲揾到，不过比饮食男女卖一卖，第二次去果时已经排晒队😂👍我黎既原因第一当然系因为响新蒲岗啦😂见到「双重芝士」呢d标题更加好难唔黎食，重点重点重点系只系$69就食到!!! 睇完之后第二日就去试，位置就系「新蒲岗广场」，一上2楼电梯就会见到banner指示，转左再转左就见到，装修好得意，细细间，好多图好醒目，一睇就见到。汤底好多款，自由配搭，可以加自己想要既野，一个窝会跟一个面，我呢，就拣左中辣鸡煲😋，男人呢就拣左双重芝士肥牛。先讲下男人果份，落单黎，等左一阵店员就送上煲，响你面前点火，即系好似大家乐咁，睇落芝士唔多「双重」稀稀地咁既汤，我试过渌肥牛，肥牛系普通质素果种（以咁既价钱正常）得2/3块，唔觉得重芝士味，的确有d失望，男人都话其实麻麻。我去2次都叫鸡煲（第二次男人都跟我叫😂）第一次叫中辣，第二次叫小辣，觉得中辣食到最后太辣，但小辣又唔够辣😂真系麻烦港女😁第一次去汤比较浓，鸡比较大旧，第二次去就好多汤，鸡都比较少，但系2次都好滑，多汤都好，第一次
呢篇系好耐之后写番，因为揾唔到间野，而家见到就第一时间写，因为呢道好值得黎👍
睇到饮食男女介绍，估计应该比左钱，如果唔系应该好难饮食男女会咁劲揾到，不过比饮食男女卖一卖，第二次去果时已经排晒队😂👍
我黎既原因第一当然系因为响新蒲岗啦😂见到「双重芝士」呢d标题更加好难唔黎食，重点重点重点系只系$69就食到!!! 睇完之后第二日就去试，位置就系「新蒲岗广场」，一上2楼电梯就会见到banner指示，转左再转左就见到，装修好得意，细细间，好多图好醒目，一睇就见到。
汤底好多款，自由配搭，可以加自己想要既野，一个窝会跟一个面，我呢，就拣左中辣鸡煲😋，男人呢就拣左双重芝士肥牛。
先讲下男人果份，落单黎，等左一阵店员就送上煲，响你面前点火，即系好似大家乐咁，睇落芝士唔多「双重」稀稀地咁既汤，我试过渌肥牛，肥牛系普通质素果种（以咁既价钱正常）得2/3块，唔觉得重芝士味，的确有d失望，男人都话其实麻麻。
我去2次都叫鸡煲（第二次男人都跟我叫😂）第一次叫中辣，第二次叫小辣，觉得中辣食到最后太辣，但小辣又唔够辣😂真系麻烦港女😁第一次去汤比较浓，鸡比较大旧，第二次去就好多汤，鸡都比较少，但系2次都好滑，多汤都好，第一次好快痴底，第二次都痴，但慢d咁解😅个味冇得顶，同出面死辣唔同，食得出系好用心（所以食完又食）。
小食都好平，但冇试
如果唔够食，可以追加配料，由$5-20不等，牛有$7/$20，第一次试左$20果种，但其实都唔系点高质果只，所以第二次去加$7果种就算，配料虽然几蚊有份，但份量好少，$20得2只虾😰比较贵，菜$5份都系得少少😰仲贵过酒楼食，呢样可以改善下，因为相信铺租一定唔会贵。
第一次卖单$176
第二次$岩岩好180，食完仲会有张印仔卡送番，第一次果张失踪左，所以开多张新既。
不过总括我都会再食落去，但最唔开心话咁快系人都知，要食就要排大队😭希望能够一路保持水准啦。
张贴
