川滿居 (京都廣場)

营业中

休息中

一直都钟意食酸辣，酸菜鱼呢啲食物。行过铜锣湾呢一头，之前都喺铜锣湾食过其他四川菜，见到呢间lunch set好抵食咁，所以就试一试新餐厅。嗌咗个酸菜鱼，佢系手机落单，有得拣好多唔同嘅options, 少啲油，少啲麻，浓味啲啊，好贴心，唔系得最基本𠮶啲得个辣道可以拣。 咁我叫咗一个lunch set，同埋嗌多咗一个小食，因为突然间好想食凉拌花甲😂酸菜鱼个份量劲多，上菜后已经有啲后悔嗌多咗个花甲。酸菜鱼劲足料，好多配菜，有莴笋啊，有3种嘅菇，萝卜片，啲薯粉煮得啱啱好，唔系好硬咬唔到𠮶啲，系好烟靭好Q. 叫咗少油，之后个酸菜鱼真系唔多油。 欣赏。好彩凉拌花甲唔系好济，佢系偏向甜咸甜辣𠮶边，都几清爽，处理得唔错，冇乜沙。个调味都好正，个汁好好味。