韓峰料理 (已結業)

有几日黎大角咀做嘢，夜晚同老公喺附近揾嘢食，无意中揾到呢间韩式料理，胆粗粗入去试咗，结果系出乎意料咁好味！尤其系炆牛肋骨，炆得好林好入味，萝卜亦好好食，实在令人回味！大酱海鲜豆腐汤亦都好好味，好多海鲜同豆腐，豆腐好滑，攞嚟送饭实在唔错！👍🏻👍🏻辣炒羊肉好惹味，不过对我地来讲就有啲辣得滞，整体来讲成餐饭都好满足！老公仲嫌唔够饭要再添😆两个人食都系$200，实在系好抵食！我觉得仲好食过我喺韩国食嘅餐厅😎下次会再嚟！