LAB ZERÕ

营业中

休息中

之前已经听过唔少人话呢个嘅甜品好好食，今日终于去到试（要排队），不过排都值得，因为真系好好食呀。我一心系谂住芋头去的，我系芋头迷，但坊间好多芋头冰都劲大香精味，又无乜芋头味，唔好话芋头，就算系其他味嘅刨冰，出面嘅刨冰好多都系得啲好药水味嘅糖水.....今日个芋头冰嚟到𠮶阵好有惊喜，卖相系紫色同白色好靓，面层有芋头同一埋芋头蓉，我已经觉得好惊喜，系真正嘅芋头蓉，好香好滑。食到下面，啲牛奶冰都好有惊喜，好滑好绵，而且好香好香，食得出系用好好嘅牛奶去做，唔系用奶精，食到停唔到口，虽然系咁，但一个冰成100蚊本身都觉得算贵，直至我食到中间⋯⋯中间竟然有好大好大旧芋泥！系真正嘅芋泥！我喺第二到食芋头冰甚至系台湾都未试过咁足料，最后我地两个女仔食晒份量超大嘅芋头冰，好满足，希望下次再去试下其他甜品！