泰贊- 創意泰餐廳 (已結業)

一班姊妹行完街上左美麗華廣場食dinner，好彩book左檯，唔係又要等位。So Thai So Good，聽到間餐廳名就知食泰國菜，不過呢處係食fusion多。餐廳環境都寬敞，坐得舒服。menu 上嘅價錢唔算貴，dinner 呢個價錢可以接受。菠蘿炒飯伴燒雞 $95 開頭以為係用菠蘿殻上，菠蘿炒飯炒得香口，燒雞滑。脆炸南瓜粟米餅配芫茜蛋黃醬 $65 平時唔係太喜好南瓜，不過呢個南瓜粟米餅真係炸到脆卜卜，配埋蛋黃醬，好邪惡。炸素菜春卷 $65 夾埋生菜，泰式醬食更佳。烤豬手配泰式芥辣及辣汁 $195 烤豬手唔算太乾，豬皮好脆，個人喜好唔點醬。如有酸菜更開胃，可惜無。泰式脆炸蒜辣雞翼 $65 蒜香雞翼係1開2，有少少辣，都幾惹味。香蒜炒四季豆 $60 本身想叫芥蘭，但果晚冇哂lu，味道一般。餐廳菜式混合西餐，泰菜，喜歡fusion嘅朋友可以試下。