影片
更多
2022-05-28
289 浏览
见好多人都话呢间新分店好work friendly，所以今日就带埋部电脑黎做野。Cafe楼底高，落地玻璃采光十足，寛敞舒适，有Wi-Fi提供，几啱大家黎做野。唯独地盘景就差少少。Weekend十一点几黎到，唔洗等位仲有得拣位。不过临近两点，门外就开始有条人龙。⚠️堂食每位最低消费：一杯正价产品⚠️不设加一服务费▪️日式味噌香葱忌廉蟹三味意大利饭 $168蟹三味分别系：蟹膏、蟹肉、软壳蟹~炸软壳蟹有惊喜㖞！炸得好脆之余，仲成功锁住肉汁！连蟹脚都有汁。不过意大利饭就麻麻啦，偏湿偏腍。食落蟹味突岀，但朋友趁热食都觉得有少少腥。▪️班兰椰香椰丝糯米窝夫配雪糕 $108窝夫口感好特别，外层微脆，内𥚃偏湿润有弹性，蛋香突岀，好有鸡蛋仔同格仔饼嘅感觉。窝夫面头除左有细细旧嘅糯米饭，仲淋左唔少浅绿色嘅酱汁同椰丝。酱汁班兰味几岀㖞，糯米饭就正正常常~ 呢个配搭几得意，不过我就prefer香脆啲窝夫~ (同埋 如果可以将椰子雪糕取代云呢嗱雪糕就好啦)▪️抹茶麻糬Bagel $58明明已经趁热享用，但包体偏韧。包体厚啲嘅位置完全咬唔断。入面嘅馅料反而ok，麻糬偏软糯，抹茶馅茶味突岀 甜度低 属大众浓度。▪️芝麻千层 $
Weekend十一点几黎到，唔洗等位仲有得拣位。不过临近两点，门外就开始有条人龙。
⚠️堂食每位最低消费：一杯正价产品
⚠️不设加一服务费
▪️日式味噌香葱忌廉蟹三味意大利饭 $168
蟹三味分别系：蟹膏、蟹肉、软壳蟹~
炸软壳蟹有惊喜㖞！炸得好脆之余，仲成功锁住肉汁！连蟹脚都有汁。不过意大利饭就麻麻啦，偏湿偏腍。食落蟹味突岀，但朋友趁热食都觉得有少少腥。
▪️班兰椰香椰丝糯米窝夫配雪糕 $108
窝夫口感好特别，外层微脆，内𥚃偏湿润有弹性，蛋香突岀，好有鸡蛋仔同格仔饼嘅感觉。窝夫面头除左有细细旧嘅糯米饭，仲淋左唔少浅绿色嘅酱汁同椰丝。酱汁班兰味几岀㖞，糯米饭就正正常常~ 呢个配搭几得意，不过我就prefer香脆啲窝夫~ (同埋 如果可以将椰子雪糕取代云呢嗱雪糕就好啦)
▪️抹茶麻糬Bagel $58
明明已经趁热享用，但包体偏韧。包体厚啲嘅位置完全咬唔断。入面嘅馅料反而ok，麻糬偏软糯，抹茶馅茶味突岀 甜度低 属大众浓度。
▪️芝麻千层 $58
骤眼望落去饼皮唔会太厚，同cream嘅比例都几平均。入口芝麻味好岀，感受到饼皮嘅层次，整体甜度唔会太高。
▪️73% 特浓朱古力 $49/Hot (-$10)
又真系几浓㖞！甜度低~ 不过就唔系杰到浆口个款~整体嚟讲，环境舒适 几啱大家嚟做嘢或者倾下计，但食物质素一般般，定价偏高，唔需要专诚为食物而黎。
张贴
