影片
更多
2010-01-24
87 浏览
呢间outback好出名. 连去左外国多年既朋友返到hk都要指定去outback聚旧.由于系星期5晚, 所以之前一晚就打去订位, 本身就订7:30pm, 但就要9pm交台, 因为太多人喇㖞. reception就提议叫我订8:30pm, 咁就可以坐到佢close (即11:30pm). 呢个提议唔错, 想赞返个女仔... 到左今日食饭, 佢约3pm打黎confirm, 但好搞笑, 佢接通左电话, 讲完系outback打黎, 竟然叫我等一阵. 我唔系介意等, 而系我认为佢忙就唔好打过黎先, 不过可能个时又有人打电话去book台. 算啦, 唔紧要啦.终于到8:30pm喇! 哗! 门口有劲多人等位~ 真系好在有打电话去book. 哈~ 不过最搞笑就系我已经坐低左, 仲开始睇menu个时, reception竟然打电话问我张台仲要唔要. 哈哈哈哈. 佢竟然以为我未坐低?! 真系有点无奈...anyways. 有5个人, 所以就叫左好多样野:blooming onion哗! 呢个就劲出名, 唔可以唔要! 佢最劲就系可以将一个 (定系几个呢?) onion切开好多刀, 但最底个到仲系连住既, 之后
由于系星期5晚, 所以之前一晚就打去订位, 本身就订7:30pm, 但就要9pm交台, 因为太多人喇㖞. reception就提议叫我订8:30pm, 咁就可以坐到佢close (即11:30pm). 呢个提议唔错, 想赞返个女仔... 到左今日食饭, 佢约3pm打黎confirm, 但好搞笑, 佢接通左电话, 讲完系outback打黎, 竟然叫我等一阵. 我唔系介意等, 而系我认为佢忙就唔好打过黎先, 不过可能个时又有人打电话去book台. 算啦, 唔紧要啦.
终于到8:30pm喇! 哗! 门口有劲多人等位~ 真系好在有打电话去book. 哈~ 不过最搞笑就系我已经坐低左, 仲开始睇menu个时, reception竟然打电话问我张台仲要唔要. 哈哈哈哈. 佢竟然以为我未坐低?! 真系有点无奈...
anyways. 有5个人, 所以就叫左好多样野:
blooming onion
哗! 呢个就劲出名, 唔可以唔要! 佢最劲就系可以将一个 (定系几个呢?) onion切开好多刀, 但最底个到仲系连住既, 之后拎去炸, then再放成好似朵花 (中间仲有位放个酱) 咁上台. 我地研究左好耐其实系点样做到, 咁当然我地系唔知啦~ 讲返个味啦都系. 有d辣 (其实因为系个酱). 但如果怕辣唔dip个酱, 可以dip茄汁既. 不过就好似唔系咁好味. 我觉得就系辣辣地先开胃~ 不过有个问题就真系好鬼油. 不过无计, 因为佢系成个炸出黎. 同埋热食就冇咁觉佢油, 一冻左就唔得. 要热食. 同埋佢虽然上台个时好似唔系真系好大个, 但其实好 "漏", 要有好多个人要食得完.
chicken & shrimp pasta
呢个就系细碟左dd~ size唔大. 其实我应该话系d配料 (鸡同虾) 同宽条面既ratio 系好大. 即系太多配料, 唔够面~ 但几creamy. d虾好fresh, 好弹牙~ 反而d鸡粒就麻麻地, 因为好大粒. 切细粒d会好d. 同埋佢上台既样同menu既相真系唔多一样... 见到实物个时有d失望.
grilled shrimp caesar salad
一上台, 第一个反应: 咁多虾?! 因为真系有好多只虾~! 同埋仲要好好味tim. 唔系讲笑~ 同埋好多芝士. 面包糠 (粒粒都好大粒, 仲好脆tim啊!) 都唔少. 最少既反而系d veggie. 哎呀, 人地明明叫个既原因就系因为呢餐唔够veggie, 但连呢个所provide既veggie都咁少~ 唉. 不过系好味既, 因为veggie够fresh同甜.
包
我地真系完全唔知会有包上. 仲要系有2个. 系咪同d扒一set架? 因为个waiter就咁放低就算喇. 乜都冇讲. 唔理喇, 食喇! 我地个个都觉得好得意, 因为佢有把刀插住! 哈哈哈哈! 个包上台个时仲热架! 所以要快食~ 佢有个我估系cream cheese既野, 不过我地冇人dip, 因为个包本身已经好好味. 好甜好软, 有d似黑糖面包! 我地仲话唔知可唔可以就咁叫呢? 因为真系几好味!!!
big ribs on the barbie
叫个全份系惊唔够食, 点知系错既! 因为... 我地唔记得左, 佢有大量既薯条同2个side dishes! 噢!!! 先讲个ribs, 味就一般, 唔够浓味. 我嫌佢淡左dd~ 不过d肉 (唔 "银", 好 "林" 架~) 好易就同d骨分开. easy to eat! 薯条炸得透 (唔 "林"!!!), 正! 2个side dish要左chef's veggie同caesar salad (yeah, 又系caesar salad). 原因: 咪就系我地想食返多d菜~ 呢个caesar同上面所mention既ceasar系同一个 (咁当然呢个冇虾啦~), 但反而有多d菜! 哈! 至于个chef's veggie就... 由于全世界已经饱到傻, 所以都冇乜点郁过... 噢...
ny strip steak
早知就唔叫, 因为我地5个人已经好饱... 但既然黎到, 食埋去啦. 我地就要左7成熟. 可能我已经好饱, 所以我已经觉得呢个既味非常普通. 一d都唔特别, 咪又系扒一块. 个gravy呢, 就... 冇人掂过. 唔知乜味. 不过个color我见到就嫌佢太淡色. 由于好大块, 所以最后都系食唔完, 而伴菜既薯条当然一样好味. 不过我真系好饱喇... 快要死了...
general food comment: 其实有少少surprised! 点解? 因为我以为outback最好食会系d扒或者ribs, 点知呢2样野好普通. 味道唔impressive. 反而佢d non-扒类既食物好好味! goood wor! 同埋d野食系几大碟, 所以千祈唔好叫太多!!! 我地underestimate左d食物既size... 食唔哂, 有d浪费.
而家讲下d服务丫: 唔得! 原因: 太多客但太少waiter. 太少! 永远都落唔到order. 根本就唔够人手! 叫一个过黎, 个waiter永远都会话等一等, 点知就一去无回头! 哎呀!!! 我叫水都叫左3次先有人送水黎~ 水都只加过2次咋~ 口渴死我地!!! 好在佢地唔黑面, 仲有笑容~ 算系咁喇~ 不过唔请返多d人, 而佢d service维持系咁, 我估会冇下次...
btw, 甜品得3种, 未免太少variety了罢?! 本身想系到食埋desserts, 但甜品实在太唔吸引! 噢... 只好走去出面食...
张贴
