影片
更多
2021-12-10
288 浏览
第一次食呢啲流水虾，以为会几好玩，但系原来会成晚都好忙，出出入入咁多嘢食，又要烧，又要剥壳，真系忙到爆。我哋一行四人，好彩佢俾咗张比较大嘅枱我哋，近门口位置嘅4人的枱全部都系比较细，好迫。师兄会定时定候加虾，放心，唔使惊冇虾。有啲虾识郁，有啲虾唔多识郁，你自己拣啲生猛啲嘅你少。认真嘅，我唔系太喜欢呢一种淡水大头虾，因为系淡水关系，侍应都建议你烧熟啲。顺带一提，呢度侍应服务好好，见你第一次嚟，会特登过嚟教你点做，然后又会专登买来问有冇人生日，因为原来生日月𠮶个人系有半价。出边嘅食物选择都算多，可以攞返黎烧嘅油，生蚝，蚬，扇贝，象拔蚌。烧扇贝非常非常好食，但系佢只系出现过一次，攞咗一次之后就再冇见过佢。烧蚬亦都非常好👍🏻 烧生蚝味道其实几好，但系可惜啲蚝实在太细只，冇肉食，我哋烧咗两次之后都冇再encore。至于象拔蚌，可以唔使试。另外佢都有一啲全消，鸡翼，牛肉，猪肉，大量蔬菜俾你选择，可以出去攞返黎烧。至于熟食方面，有冬阴功汤，炸虾，蒸蚬，炸鱼饼，炒粉丝，炒饭，之类嘅食物。仲有唔记得提嘅系，侍应会每人派一只鲍鱼俾我哋，烧鲍鱼都非常好食。出边有好多调味料，你可以自己帮啲海鲜或全消调味，我用
出边嘅食物选择都算多，可以攞返黎烧嘅油，生蚝，蚬，扇贝，象拔蚌。烧扇贝非常非常好食，但系佢只系出现过一次，攞咗一次之后就再冇见过佢。烧蚬亦都非常好👍🏻 烧生蚝味道其实几好，但系可惜啲蚝实在太细只，冇肉食，我哋烧咗两次之后都冇再encore。至于象拔蚌，可以唔使试。另外佢都有一啲全消，鸡翼，牛肉，猪肉，大量蔬菜俾你选择，可以出去攞返黎烧。至于熟食方面，有冬阴功汤，炸虾，蒸蚬，炸鱼饼，炒粉丝，炒饭，之类嘅食物。仲有唔记得提嘅系，侍应会每人派一只鲍鱼俾我哋，烧鲍鱼都非常好食。出边有好多调味料，你可以自己帮啲海鲜或全消调味，我用得最多嘅系蒜蓉同埋牛油。
总括来讲，experience系几特别嘅，同朋友嚟都开心嘅，只不过我觉得成餐饭实在太忙，同埋我真系麻麻哋呢一种虾，所以我自己就唔系太钟意，但系同行朋友食得开心嘅。
张贴
