Hokahoka

营业中

休息中

已经接近两年无返过家乡了，经朋友介绍去咗呢间居酒屋，出咗名无乜人听电话，但我打咗三次就有人pick up了，仲即日有枱，高兴！居酒屋就系有一种魅力会令你叫完一样，又叫一样，明明饱饱哋，但又会再叫多一样。我哋两个人去，竟然食咗9样嘢，包括海带沙律、咖哩乌冬、唔记得咩鱼的刺身、香蕉天妇罗配雪糕、炸鸡、明太子鸡翼、烤牛舌（前后两碟）、酒盗芝士、炸莲藕饼(?)。本身想食蟹肉可乐饼，但𠮶日无供应 基本上每样都水准以上，最好食要数烤牛舌，味道一流，唔知系咪我个setting问题，感觉好似食到炭烤味，可能只系幻觉。其次系酒盗芝士同明太子鸡翼，两者都系浓味之选，配一啖日本生啤，一绝。最败笔的系炸鸡，一来炸得几干下，二来无味嘅，如果一客炸鸡要靠沙律酱先好食，咁不如唔好食。但整体嚟讲食得好开心，会再去，希望继续易订位。