東哥點心籠仔蒸飯專門店 (已結業)

今晚约咗几个friend 去东哥点心笼仔蒸饭专门店食饭，因为知道呢度又有得食鸡煲，打边炉，仲有得叫点心。而且价钱仲好抵添，八点前入座只需要$188蚊就可以任食两小时。所有点心同火锅配料、饮品都系任食任饮，啤酒任斟。餐厅都好阔落有部电视仲可以一边睇奥运，入边食嘢。坐低右手先叫咗半只鸡煲，有唔辣，小辣同埋大辣选择，今次我哋就叫咗小辣。鸡煲嚟到之后有好多嘅芫荽，啱哂我依个芫荽党 😆之后我哋点左唔同嘅点心，包括咸水角、春卷、红枣糕、虾饺烧卖、鲜竹卷等等。佢哋嘅点心好有惊喜，大部份点心都有酒楼水准以上，亦都好足料。鸡煲方面亦都好好味，小辣唔算太辣对于唔食辣嘅人来讲就啱啱好。鸡都好滑，今次叫咗半只鸡，唔够喉，下次一定会叫全只！之后再打埋边炉，饱哂！