影片
更多
2021-04-05
1245 浏览
假期天气太热，郊区太多人，结果由野餐转去afternoon tea。临急揾都冇咩可能book到，walk-in等半岛又唔太想，揾揾下见到尖沙咀皇家太平洋酒店的「柏景餐厅」下午茶有afternoon tea，唔贵之余评价都不俗，最重要系有位。佢而家做紧「悠然下午茶」set，人头周一至五$208，周末同假期$228，如果预先上官网订位同全数畀钱，仲有8折，系极之抵（更抵的在后头）。去到柏景，职员话座位full左（同时有自助餐同tea），然后礼貌地请我哋去附近堤岸酒吧，𠮶度细少少，但可以对住海景，也不错。好快三层架就送上（图中为三人分），有齐咸甜点同scone，连饮品。最底层系咸点3款，除咗三文治，其余两款都有惊喜，尤其牛油果鲜虾咯嗲，虾肉好爽，牛油果软滑，咸中带酸，好开胃。迷你松露牛肉芝士汉堡的牛肉都几juicy，调味都唔错。甜点占两层，全部不过不失，反而卖相最一般的香橙忌廉挞几好食，甜中带微酸，饼底松化。最腻的当然系榛子朱古力慕丝。另外一碟系scone同两款咸点，scone有原味同提子味，有奶香但比较松散，大力少少都会粉碎。附上的clotted cream同柑橘酱都唔错（个人比较钟意士多
临急揾都冇咩可能book到，walk-in等半岛又唔太想，揾揾下见到尖沙咀皇家太平洋酒店的「柏景餐厅」下午茶有afternoon tea，唔贵之余评价都不俗，最重要系有位。佢而家做紧「悠然下午茶」set，人头周一至五$208，周末同假期$228，如果预先上官网订位同全数畀钱，仲有8折，系极之抵（更抵的在后头）。
去到柏景，职员话座位full左（同时有自助餐同tea），然后礼貌地请我哋去附近堤岸酒吧，𠮶度细少少，但可以对住海景，也不错。
好快三层架就送上（图中为三人分），有齐咸甜点同scone，连饮品。最底层系咸点3款，除咗三文治，其余两款都有惊喜，尤其牛油果鲜虾咯嗲，虾肉好爽，牛油果软滑，咸中带酸，好开胃。迷你松露牛肉芝士汉堡的牛肉都几juicy，调味都唔错。
甜点占两层，全部不过不失，反而卖相最一般的香橙忌廉挞几好食，甜中带微酸，饼底松化。最腻的当然系榛子朱古力慕丝。
另外一碟系scone同两款咸点，scone有原味同提子味，有奶香但比较松散，大力少少都会粉碎。附上的clotted cream同柑橘酱都唔错（个人比较钟意士多啤梨酱）。班尼迪系全场最好食点心，鹌鹑蛋虽然细只，但流心蛋黄都几多，parma ham又够咸香，配埋烘得微脆mini pancake，属诚意之作。炸蛋白几似日式放题𠮶啲，都算唔错。
最吸引嘅系，佢提供的所有点心系可以叫侍应refill，而且无限次数，所以抵上加抵。我哋就encore左3次鲜虾咯嗲同班尼迪，本来想食scone，但实在有心无力。
如果唔系坚持要去五六星酒店，呢度绝对值得一试，食物质素同环境对得住价钱有余，性价比超高。不过唔清楚呢个优惠做到几时，有兴趣最好事先问问。
张贴
