Neway Karaoke Box

营业中

休息中

今日朋友同我庆祝生日，知道呢度有K唱有K BUFFET食，突登拣呢个地方。佢0系个房仔入面放晒所有野食，就咁睇选择唔多，但其实佢热盘不停换款同添加，其实都几好。有鱼, 有菜, 有鸡有叉烧，有炒饭，有炒面，有青口，炒蚬，鸡亦，鸡槌，以上系热盘，当然仲有野未讲，但大致上系呢D啦！仲有沙律BAR, 当然我同意有些食家咁讲唔多掂，我都冇食佢既沙律，因为好唔吸引，但叫做俾食素既人有些选择嘛！仲有一个日本食品COUNTER, 可以点些日本烧物，例如黑椒牛柳粒，金菇牛肉卷，BB鸽，蒜蓉牛柳粒等，即炒，味道都几OK，我试左黑椒牛柳粒，好惹味！仲有刺身既，每次好似限拿两款加一件寿司........我见有人问拿多一款，真系好严谨，话唔得就唔得！跟住有朋友极度推介既碗仔翅，话超好味，食左几碗！我食左两款腐竹糖水，好味！甜品有好多款！当然冇话有边款特别好味，但叫做多选择，我个人觉得好满足！仲有即整PANCAKE，仲有雪糕，都真系算乜都有D啦！最紧要系佢呢个BUFFET只加33蚊，咁多野食，都系33蚊！梗系抵食啦！朋友话而家海啸价，所以好平！我地加埋一埋单位位113, 真系超抵！我好推介呀！呢度系食平野既好地方