影片
更多
2009-08-09
30 浏览
食完咁耐, 已家先写番食评, 希望各位食家仲用得著啦!之前上网睇到美心集团有呢款特价套餐, 逢星期一至五, 六人餐只需$888, 恒生信用咭仲有85折优惠, 见个餐有咁多款菜式, 好似去饮咁, 我同班朋友当然唔可以错过啦! 话晒系美心, 质素一定有保证!!当晚准时7点去到, 估唔到平日晚饭时间, 呢间映月楼都居然满座, 真系睇少佢! 不过我一早订了要窗口位置, 但接待员却没有为我们安排, 颇为失望! 好在一路等朋友入座, 一路见到有唔少饭客埋单走人, 我睇准机会便要求换较好位置的窗口夜景枱, 好在侍应们都好好人, 不介意为我们换枱执位!! 另外要提大家, 这款套餐餐牌, 当晚并没有放在枱上供食客选择, 我们只好问询问经理是否有这个餐, 他才"醒目"地拿出餐牌来给我们看, 咁抵食!! 无理由收埋唔比食客拣㖞!!讲番餐饭, 我们一行5人, 点了这个6人餐, 当初以为每款菜式只有一人一件"浅尝", 谁不知这个餐份量十足!! 烧味拼盘有齐鸡鹅叉烧海蜇等等五六款, 带子盒(即系类似炸虾丸) 每人约有两三粒, 翠玉炒虾仁大大只, 仲要系爽脆, 又系每人唔知一两只咁少! 瑶柱甫同鲜东菇扒翡翠(即系生
之前上网睇到美心集团有呢款特价套餐, 逢星期一至五, 六人餐只需$888, 恒生信用咭仲有85折优惠, 见个餐有咁多款菜式, 好似去饮咁, 我同班朋友当然唔可以错过啦! 话晒系美心, 质素一定有保证!!
当晚准时7点去到, 估唔到平日晚饭时间, 呢间映月楼都居然满座, 真系睇少佢! 不过我一早订了要窗口位置, 但接待员却没有为我们安排, 颇为失望! 好在一路等朋友入座, 一路见到有唔少饭客埋单走人, 我睇准机会便要求换较好位置的窗口夜景枱, 好在侍应们都好好人, 不介意为我们换枱执位!!
另外要提大家, 这款套餐餐牌, 当晚并没有放在枱上供食客选择, 我们只好问询问经理是否有这个餐, 他才"醒目"地拿出餐牌来给我们看, 咁抵食!! 无理由收埋唔比食客拣㖞!!
讲番餐饭, 我们一行5人, 点了这个6人餐, 当初以为每款菜式只有一人一件"浅尝", 谁不知这个餐份量十足!! 烧味拼盘有齐鸡鹅叉烧海蜇等等五六款, 带子盒(即系类似炸虾丸) 每人约有两三粒, 翠玉炒虾仁大大只, 仲要系爽脆, 又系每人唔知一两只咁少! 瑶柱甫同鲜东菇扒翡翠(即系生菜)就普普通通(可能到尾声已吃得太饱!) 翅有得添食! 霸皇鸡就真系麻麻地, 无烧味咁出色!! 最尾荷叶饭都几好味, 可惜只有一人一碗!! 到甜品, 珍珠露都做得唔错, 因为我o地有5个人, 每人分到一大碗!
虽然我们都几大食, 但吃到最尾都只系"尽人事"食埋落去, 癈事打包!! 可能6个人来会刚刚好!! 但说实话, 这个餐真系大件夹抵食!! 一定唔会吃唔饱!! 唔似其他酒家所卖的套餐, 每款菜式每人只有一小件"品尝"!!! 这间绝对有诚意!! 美心始终有质素保证!! 无关乎我摆结婚酒都一定要拣番美心集团吧!!!
张贴