Y Show Tasty (已結業)

之前同朋友都上过去食午餐，味道各样都好抵食🤣所以今次就同朋友食多次，其实呢间餐厅环境都唔错，虽然唔系好大但就好舒服，今次同朋友就点咗呢2个嚟食。香烤招牌猪猪乳猪卖相份量十足，个人其实非常钟意食乳猪，所以真系睇见都流哂口水，而咬落去果然唔会失望，乳猪皮十分香脆，但内里肉汁丰富唔会干身，加埋秘制酱汁一齐食真系相当出色，招牌菜式果然真系唔同啲，而食完乳猪再食埋沙律菜亦平衡油腻感真系大满足。泰式冬阴功海鲜意大利饭平时意大利饭就食得多，但今次用冬阴功整意大利饭真系第一次见，所以睇到就点嚟食吓啦，估唔到卖相都唔错，而且都几多海鲜，味道就酸酸辣辣，钟意食海鲜嘅朋友应该会钟意。