巨一麵堂 (已結業)

经过见到入去试下 内外都好日本feel 日本人事头婆用唔咸唔淡广东话招呼 好有亲切感 温柔同有礼貌到真系有啲唔好意思店仔细细都有几多款式拣㗎 依个套餐其实都好吸引 但当时太饿 见到个细字就无叫到 但后来见到隔离枱叫 原来一啲都唔细 足够食饱 全店都系用鸡汤底 估计会比较淡口 所以我同老公都叫左个面豉汤底拉面 个汤真系非常之唔错 但系个面质就唔系我地两个钟意食嘅弹牙拉面 系比较硬身实净𠮶种拉面虽然面质未如理想 但个汤底我钟意 所以都会再去帮衬 试下个细面+细饭套餐