阿貓地攤

营业中

休息中

今日其实系睇到Facebook有一个猫猫健康讲座而来参加嘅。其实N年前已经有黎呢一间餐厅。不过系搬咗之后就冇嚟过啦。比起N年前去旧舖呢度真系细咗好多。不过环境都几舒适。今日好好彩比我坐到卡位有落地大玻璃。所以都几舒服。我哋早左到呢就嚟食个午饭先。个系老公嘅肠意粉餐。佢话分量都几够大男士都够饱。味道都唔差。我就要左个汉堡包餐，都比想像中好食，芝士好大块。都落足料嘅。沙律都好新鲜异乡醋亦都几好味。本人就最喜欢蘑菇啦。佢呢个蘑菇汤几浓郁嘅。唔错。呢个细细粒嘅薯蓉批呢。出奇地松化。薯蓉都好好味。之后就开始咗讲座。$120两个钟头嘅兽医讲座包一个＄50嘅饮品同埋一个甜品。我个人认为系非常之咁抵。老公就要左呢杯可爱嘅猫猫泡沫咖啡。讲座完左之后甜品就送上啦。非常之精美。水果都好多。讲座后仲可以比我只猫猫做咗一个义诊免费身体检查。真系非常之满足。值得一题系：店员非常之有耐性，而且好有礼貌。所以你绝唔会受气。有机会都会同D女仔朋友上去坐下。