影片
更多
2015-05-11
1027 浏览
早就听闻中环嘅soho区有好多好野食，今天终于有机会黎试下喇。今日同朋友去伊利近街嘅Naked Gurume Gyarari，去之前听朋友介绍，呢间餐厅嘅老板一直俾心机将把饮食文化同艺术文化合二为一。另外钟意简啲最时令而且健康嘅食材，将各种唔同种类嘅菜式加入创新元素，为唔同嘅菜式带来嘅变化，新嘅冲击。由中环地铁站经过十多分钟嘅路程，终于到左伊利近街嘅舖头，一入去首先要穿过条长长嘅黑白色艺廊，系穿过嘅时候令我感觉对餐厅更有期待嘅感觉。之后沿楼梯再上一楼层，就正式到餐厅喇。一入到餐厅嘅装潢布局俾我感觉完全唔会迫嘅感，虽然环境有点暗，但系成个环境好适合几个朋友黎到食野，静静咁倾下偈。今次系我朋友负责叫嘅，佢话今次食嘅野，主厨系将台湾食材同埋煮嘅方法完全融入日菜同西菜入面。话口未完，第一碟野就上枱喇 - 芝士麻辣爆谷Paemesan Szechuen Pepper popcorn 。这碟爆谷是以辣粉、香芹和芝士粉炮制而成，食落有川椒嘅味道，有点麻麻地同埋微辣，都算惹味。不过好可惜唔够脆身，口感唔够好。不过都算特别，因为都系第一次食到呢种味道嘅爆谷。跟住上枱嘅就系樱花木花雕熏蛋Sakura Sm
由中环地铁站经过十多分钟嘅路程，终于到左伊利近街嘅舖头，一入去首先要穿过条长长嘅黑白色艺廊，系穿过嘅时候令我感觉对餐厅更有期待嘅感觉。之后沿楼梯再上一楼层，就正式到餐厅喇。一入到餐厅嘅装潢布局俾我感觉完全唔会迫嘅感，虽然环境有点暗，但系成个环境好适合几个朋友黎到食野，静静咁倾下偈。
今次系我朋友负责叫嘅，佢话今次食嘅野，主厨系将台湾食材同埋煮嘅方法完全融入日菜同西菜入面。话口未完，第一碟野就上枱喇 - 芝士麻辣爆谷Paemesan Szechuen Pepper popcorn 。这碟爆谷是以辣粉、香芹和芝士粉炮制而成，食落有川椒嘅味道，有点麻麻地同埋微辣，都算惹味。不过好可惜唔够脆身，口感唔够好。不过都算特别，因为都系第一次食到呢种味道嘅爆谷。
跟住上枱嘅就系樱花木花雕熏蛋Sakura Smoked Huadiao Egg，厨师用樱花木烟熏再用花雕酒浸成晚而整成，只蛋系流心蛋黄，再加埋红菜头浓汁、黑鱼籽和小菜苗，食落口感超级独特，蛋黄又香又浓，味道丰富多变而且又唔会太重酒味﹗
食完个咁正嘅烟熏蛋之后就系吞拿鱼藜麦沙律Big Eye Tuna Quinoa Salad，个人觉得呢个沙律绝对值得推荐﹗首先吞拿鱼系厚切嘅，入口肥美鲜甜，又唔会太肥腻。每块吞拿鱼上，均有适量的红菜头浓汁、牛油果酱，仲有小胡萝卜、日本红皮白心萝卜片同小菜苗夹埋一齐食。另一方面垫底系低脂低卡路里又健康嘅藜麦沙律，藜麦沙律不单健康，仲咬口十足，为呢碟吞拿鱼藜麦沙律增添了不少分数。
食完沙律之后，其他热食就开始上枱喇。海山酸辣炸鸡翅Spicy Chicken Wings，厨师将鸡翼用海山酱腌制，再将鸡翼炸金黄香脆。所以鸡翼入口外皮香脆，而且带有海山酱嘅酸辣味，所以非常惹味。最后用餐厅提供嘅青柠唧出青柠汁，淋上其上，就更完满了。
跟住红烧鲍鱼牛舌配百合青蕃茄酱Braised Abalone & Ox Tongue，鲍鱼系用银匙载住，够入味吃落又够弹牙，配上鲜爽百合橙色同埋香脆嘅荀碎一齐食，令口感更丰富。最后垫底嘅牛舌更加系令我觉得呢个红烧鲍鱼牛舌嘅层次十分丰富，系呢餐饭入面十分突出。
之后就系三杯不醉の鸡Spicy 3 Cups Drumsticks。厨师将鸡槌用甜酱油、花雕酒，辣椒等材料将鸡槌煮就入味，然后再拎去炸。所以鸡槌入口味道非常丰富，但系里面肉质又香又嫩，仲带小小酒香，令人感到十分惊喜，最后垫底嘅薯蓉，又香又幼滑，同鸡槌超级搭配。
之后就黎左个好特别嘅拼盘 Making Your Own “The Seductive Wrap” 。系一块大嘅木板上面放有生和牛和海胆各件、一细兜和牛他他、鹌鹑蛋、紫苏叶、紫菜，韩式泡菜和蒜蓉，超级吸引呀!!!!大家可以根据自己嘅个人喜好，将各款食材组合，再卷起黎食。我用紫菜将紫苏叶，海胆，牛肉，牛肉他他再加埋泡菜，卷起来放入口食。入口啖啖都系料，两种牛肉唔会有好多根，而且好有牛肉味，海胆又好鲜甜，真系令人超级满足。
除了鲜嫩嘅海胆同埋牛肉之外，仲有鱼籽同吞拿鱼迷你脆筒Caviar Cornet Duet呢样菜一式两款，一客有四件，用金色铁架载住，感觉好珍贵。黑芝麻辣吞拿鱼鲟鱼鱼籽Black Sesame Spicy Toro range (Sturgeon Caviar)，系餐厅自家制嘅脆筒入面，塞满晒剁碎左嘅吞拿鱼肉碎，但系吞拿鱼肉肉质甘美，再加埋鲟鱼鱼籽同带点辣味嘅脆筒，感觉好惹味。另一款是罗勒柑橘海胆橄榄油鱼籽Basil Citrus Uni (Olive Oil Caviar)，脆筒入面系入口即溶嘅海胆，脆筒嘅顶有小小由柠檬皮同埋橄榄油整成嘅黄色粒粒，令成个脆筒味道更加丰富。
最后甜品上枱喇，甜品系加左凤梨酥嘅凤梨酥雪糕配腰果Mango Pomelo Gelato Crumble。凤梨酥入口十分松脆，而且有菠萝甜味。中间系幼滑嘅杨枝甘露雪糕，配埋士多啤梨、莲雾同埋腰果，口感丰富。作为甜品，呢个甜品绝对值得推荐，因为食完唔会觉得腻，反而有种清新嘅感觉。
总括黎讲，系呢间餐厅每样食物，虽然落黎好似好平凡简单，但其实内里却包含住厨师大量嘅心意同埋创意，通过这餐饭我深深咁感受到呢啲心意同埋创意，大家都不妨黎呢度感受下喇。
张贴
