香港郵意明信片航海主題咖啡廳 (已搬遷) 新店位置

一间以postcard、旅游为主既餐厅，对于好多钟意去旅行既香港人黎讲，真系一间好适合佢地既cafe。门面、店面以蓝白为主，好有去左地中海国家既感觉。店内灯光柔和，营造到一种静、写意、家既感觉。板上面既字、图都写得好靓呢！餐牌设计都系一流。店入面有时会有猫行过，不过佢地大部份时间都唔会骚扰食客。当你同佢玩时，佢地又唔会抗拒。今次叫左两样野食。其中一样系带子扁意粉，份量适中。带子大大粒，汁唔太浓，感觉清新。另一样系饺子鸡翼，外面既烧汁好甜，因为去左骨，一咬落去啖啖肉、肉质又够滑、超满足。额外仲叫左杯梳打，好大杯、好冰冻呢，不过有d偏甜。整体黎讲，系一个比人hea时间舒服坐下，食物质素几高，同时近闹市，又旺中带静既一间cafe。