麗港軒潮菜館 (已結業)

复活节假期前一晚约咗班朋友去试下呢间位于丽港城会所内嘅潮州私房菜。呢间私房菜其实同普通酒楼无异，装修比较简朴，而佢嘅所谓私房菜亦只不过系按人头收费食指定嘅套餐，而套餐里面亦提供若干选择。班朋友一坐低，见到枱面摆放咗几个茶壶同一个用嚟洗餐具嘅水兜，见人未到齐，咪用啲滚水又好，茶又好嚟洗下啲碗碗筷筷啰，洗完就将啲茶同水倒入个水兜度。点知好衰唔衰老板娘亲自嚟收番个水兜，见到我哋用啲茶嚟洗碗，好唔客气咁同我哋讲，话啲茶叶系靓嘢嚟，成几百蚊一斤，应该攞嚟饮，唔系爱嚟洗碗，洗碗应该用滚水，仲话我哋嘥嘢，搞到啲朋友鬼咁尴尬。啲茶叶系咪靓嘢我真系唔识分，但系喺酒楼用啲茶嚟洗啲碗碗筷筷其实系好平常啫，间私房菜都开咗咁耐，老板娘都应该睇惯晒喇，驶唔驶咁大反应呀 人到齐就即刻上菜，选定菜单上除咗个福果胡椒猪肚汤冇影低（因为已经分好晒），其他都喺齐度：蟹唔算大，但亦唔算细，肥美有膏，肉质够实，啲蟹钳都拍得够碎，容易食，唔错 鹅片下有连骨嘅鹅肉，鹅片比较干同嚡，每人只分到一片，连骨嘅鹅肉滑好多；大肠唔算肥，过得去；再下面嘅豆腐就真系麻麻。条鱼认真够大条，但唔见有黄油，肉质都够实，伴鱼嘅汁亦唔会太咸，但乌头始