影片
更多
2023-05-29
21 浏览
Brick by Brick今日行完大馆，唔觉意系一条横巷到发现咗间神秘餐厅，见到啲客人系到饮啤酒吹水咁chill，我地都比佢地吸引咗入去。☺️☺️呢到都属于小铺，唔系好多枱，空间感唔错。铺仔细细，主打既系马来西亚菜配西餐，有肉骨茶，喇沙，亦有牛肋条同汁煮蚬等。😊😊我地今次叫咗喇沙配脆炸梅子一口鸡。喇沙汤底带微辣，而且渗出少少椰香。材料都非常丰富，有大量芽菜，青柠仔，豆卜，香菜，面应系掺掺架，油面同米粉两沟，好地道。梅子炸鸡都好搭配，梅子既微酸中和咗炸鸡既油腻感。啱啱炸起既炸鸡热辣辣又好juicy。😆😆另一个主菜我地拣咗玫瑰酒煮卜卜大蚬配蒜茸包。卜卜大蚬完全冇沙，非常鲜甜。玫瑰酒唔会好浓味，食落有淡淡既酒香味但又唔会盖过蚬既鲜甜味。蒜蓉包烘得好脆口，啖啖蒜茸味点埋个玫瑰酒汁，更添风味。😍😍最后我地拣咗椰丝咖椰薄饼。呢个真系好有惊喜，薄饼面头有大量椰丝同芝麻，非常香口。而薄饼有一层焦糖化咗既薄片，非常之脆身，配上本人最爱既咖椰酱，一定要encore再食。💕💕😘😘
今日行完大馆，唔觉意系一条横巷到发现咗间神秘餐厅，见到啲客人系到饮啤酒吹水咁chill，我地都比佢地吸引咗入去。☺️☺️
呢到都属于小铺，唔系好多枱，空间感唔错。铺仔细细，主打既系马来西亚菜配西餐，有肉骨茶，喇沙，亦有牛肋条同汁煮蚬等。😊😊
我地今次叫咗喇沙配脆炸梅子一口鸡。喇沙汤底带微辣，而且渗出少少椰香。材料都非常丰富，有大量芽菜，青柠仔，豆卜，香菜，面应系掺掺架，油面同米粉两沟，好地道。梅子炸鸡都好搭配，梅子既微酸中和咗炸鸡既油腻感。啱啱炸起既炸鸡热辣辣又好juicy。😆😆
另一个主菜我地拣咗玫瑰酒煮卜卜大蚬配蒜茸包。卜卜大蚬完全冇沙，非常鲜甜。玫瑰酒唔会好浓味，食落有淡淡既酒香味但又唔会盖过蚬既鲜甜味。蒜蓉包烘得好脆口，啖啖蒜茸味点埋个玫瑰酒汁，更添风味。😍😍
最后我地拣咗椰丝咖椰薄饼。呢个真系好有惊喜，薄饼面头有大量椰丝同芝麻，非常香口。而薄饼有一层焦糖化咗既薄片，非常之脆身，配上本人最爱既咖椰酱，一定要encore再食。💕💕😘😘
张贴
