Kachimushi

营业中

休息中

今日专程去锦田试一试依间Kachimushi，唔难揾喺锦田大街，正正马会投注站对面，门口仲有巴士站，入到去见到几张枱都坐满客人，咁就被服务员直接带去一个类似和室嘅地方，坐落又几舒服㖞，出面仲有一个好日式完庭feel嘅花园仔，和室当然就要除鞋先入得啦，呢个和室坐低之后，要自行出去点餐。咁我就同朋友一齐点咗杯Iced Dirty和Iced Drip。餐方面就点咗蟹肉薯仔沙律加蘑菇，加无花果再加风干火腿，再点了和牛吐司和一个黄豆粉年糕班戟。杯 Dirty 好香滑，而杯 Iced Drip 就用咗肯尼亚咖啡豆，饮落都好有坚果和焦糖味，好好饮。黄豆粉年糕班戟放枱面时热辣辣，再加上冻冰冰嘅雪糕，真系有冰火感觉，而年糕食落好烟韧有麻薯feel。和牛吐司上面盖住沙律菜洋葱，而和牛肉就好似熟成和牛一样好有咬口同埋牛味，真系必食之选。蟹肉薯仔沙律就比较平凡啲，但加咗蘑菇无花果同埋干火腿之后就完全唔同晒，薯仔其实系薯蓉夹住啲无花果同埋蘑菇一齐食超好味，虽然系食晏但食得超满足，晚餐都可以唔使食了。