Double 8 (裝修中)

第一次写食评，因为一直都好懒，但今次真系唔写唔得！系网上睇到有介绍过嚟食，啱啱嚟到晏昼1点。今日叫左炸鱿鱼圈，卡邦尼意大利粉，煎三文鱼，仲有龙虾汤牛角包！炸鱿鱼圈啱啱炸起，点埋个沙律酱就perfect卡邦尼用嘅烟肉同菇嘅比例刚刚好，芝士唔会有苏味。真心推介要试牛角包，因为系即叫即整，所以要10-15分钟，呢款头盆系值得用时间去等待，牛角包非常脆口，一咬落去格格声，龙虾汤非常可口，仲要流出嚟嘅汤热度啱啱好唔会烫口。下次一定再嚟过。