上海名居

营业中

休息中

今日去咗荃湾嘅愉景新城食饭，第1次行呢个商场原来都几大下，呢间「上海名居」喺2楼嘅2039至2040号，装修都几靓，吸引咗我入去。6点先开门，未够钟𠮶时，门口已经有人排队等紧入座，感觉啲嘢应该都几好食。坐低之后就有职员拎啲茶包过嚟，每人可以拎1包，啲茶包味道都几特别，茶壶都好靓，仲会放壶热水。啲嘢食都上得几快吓，榄菜四季豆拌素鸡味道清新、鸡水晶粉皮鸡丝份量唔少而且粉皮好细滑、凉拌鱼皮爽口弹牙、爆汁生煎包个底煎得好脆、上海酸辣汤好开胃、鳝糊(两面王)火候啱啱好。