登堂 (已結業)

星期日晚同老公去食Semi-buffet，食饱饱。海鲜区有螺、青口、虾，刺身有墨鱼、甜虾。不时都有refill新野，不过好多时被人抢晒，特别系虾。沙律冷盘区几多选择，最特别系冰菜，口感好爽脆，加左柠檬汁，好清新。熟食区多系小食类，我最钟意既系我好耐无食过既咖哩鱼蛋同萝卜，烧卖同咖哩角都唔错，豆蔻大蒜薯仔汤几好饮。甜品区选择颇多，荔枝奶冻看似平平无奇，但好滑好好食，静冈焙茶蛋糕好高级，布朗尼朱古力味香浓。水果有火龙果、哈密瓜、橙、西瓜，火龙果好食。仲有糖果区，小朋友一定好开心。主菜叫左美国特级牛柳威灵顿、澳洲和牛面颊肉酱大通粉。澳洲和牛面颊肉酱大通粉︱温泉蛋温泉蛋捞埋肉酱一齐食，令肉酱更上一层楼，而大通粉蘸满肉酱，好好食。美国特级牛柳威灵顿︱黑松露野菌汁一见到就流晒口水，酥皮非常酥脆松化，牛柳又软腍，有牛味，一齐食真系非常出色。餐饮叫左金桔柠檬冰茶、热柚子蜜。另外生蚝做紧$108有6只，新鲜有海水味，几鲜甜，正。以下系我食过既野食。