馬拉盞星馬美食 (已結業)

朋友介绍旺角有一间正宗马来西亚肉骨茶及新加坡喇沙的星马美食，通常星期一晚大多食店都比较静，所以约几个friend一齐去试下。7:00pm到达，点知要排队。把鬼火要排队，莫非真系咁好食。当打开门个时，忽然闻到香味，于是忍唔住问个收银姐姐仔究竟乜野菜咁鬼香。真系比佢激死，佢竟然话唔知? 仲答我可能系马拉盛通菜啦….! 都唔知个姐姐仔系咪鼻塞定系嗅惯咗冇了味觉?等了10分钟有位。座低叫了4人B套餐，有大煲肉骨茶、马拉盏通菜、招牌鸡半只、参巴酱炒虾、酸辣凤爪、油炸鬼、等…马拉盏通菜一到果然系入门口嗅到的香味，还有肉骨茶清香味。肉骨茶一到即饮一啖试下，果然同我去吉隆坡所食的不同,吉隆坡比较浓郁药材味,这间清香入口舒服甘香, 唔怪得咁鬼多人啦！参巴酱炒虾好特别好好味,其实我地已经好鬼饱,但见隔离枱叫了碗喇沙,睇落去唔错谂住下次试下，但隔离枱食完埋单时同侍应讲Ｄ喇沙有９成似星加坡D味道。所以我地饱都要试下。哗真的好味，须然我地未食过怎么喇沙，但真系好味，大家不防去try下。